कात्रज कोंढवा रस्त्यावरील घटना
marathinews24.com
पुणे – मॉर्निंग वॉकसाठी चाललेल्या महिलेचा पाठलाग करून दुचाकीस्वार चोरट्यांनी त्यांच्या गळ्यातील १ लाख २८ हजारांचे मंगळसूत्र हिसकावून नेले. ही घटना २२ मार्चला सकाळी साडेपाच वाजता गोकुळनगर कात्रज-कोंढवा रोड परिसरात घडली आहे. याप्रकरणी ३८ वर्षीय महिलेने दिलेल्या फिर्यादीवरून चोरांविरोधात भारती विद्यापीठ पोलीस ठाण्यात गुन्हा दाखल केला आहे.
पुण्यात वेगवेगळ्या अपघातात दोघांचा मृत्यू – सविस्तर बातमी
पोलिसांनी दिलेल्या माहितीनुसार, तक्रारदार महिला रविवारी (दि.२२) सकाळी साडेपाचच्या सुमारास कपिला अमृत डेअरी जवळून पायी जात होती. त्यावेळी पाठीमागून आलेल्या दुचाकीवरील चोरट्यांनी महिलेजवळ येउन त्यांच्या गळ्यातील १ लाख २८ हजार २५० रुपयांचे मंगळसूत्र जबरदस्तीने हिसका मारून तोडून नेले. महिलेने आरडाओरड करेपर्यंत दुचाकीस्वार चोरटे सुसाट पसार झाले. याप्रकरणी पोलीस उपनिरीक्षक नीलेश मोकाशी तपास करत आहेत.
