भारती विद्यापीठ पोलीस ठाण्यात गुन्हा दाखल
marathinews24.com
पुणे – शेअर ट्रेडींग जाहिरातीची लिंक पाठवून सायबर चोरट्यांनी तक्रारदाराला पोर्टलवर रजिस्ट्रेशन करण्यास भाग पाडले. त्यानंतर त्यांचा विश्वास संपादित करून तब्बल १४ लाख १० हजारांची फसवणूक केली आहे. ही घटना १२ मार्च २०२४ ते २७ जानेवारी २०२६ कालावधीत कात्रज परिसरात घडली आहे. याप्रकरणी ४३ वर्षीय नागरिकाने भारती विद्यापीठ पोलीस ठाण्यात फिर्याद दाखल केली आहे. त्यानुसार मोबाइलधारक, लिंकधारकाविरूद्ध गुन्हा दाखल करण्यात आला आहे.
बीडमधील खोक्या उर्फ सतीश भोसले याची निर्दोष सुटका – सविस्तर बातमी
पोलिसांनी दिलेल्या माहितीनुसार, तक्रारदार हे कात्रजमधील राजेश सोसायटीत राहायला असून, १२ मार्च २०२४ रोजी सायबर चोरट्यांनी त्यांना शेअर ट्रेडींग जाहिरातीची लिंक पाठवली. त्यानंतर ट्रेडींगच्या पोर्टलवर जाउन रजिस्ट्रेशन करण्यास सांगितले. सायबर चोरट्यांनी तरूणाचा विश्वास संपादित केल्यानंतर विविध बँकखात्यात रक्कम पाठवण्यास भाग पाडले. तब्बल १४ लाख १० हजार रूपये ऑनलाईनरित्या पाठवल्यानंतर त्यांना फसवणूक झाल्याचे लक्षात आले. त्यानंतर संबंधिताने पोलीस ठाण्यात धाव घेतली. याप्रकरणी वरिष्ठ पोलीस निरीक्षक राहूल खिलारे तपास करीत आहेत.
