शितल पेट्रोल पंपाजवळ झाला होता अपघात
marathinews24.com
पुणे – टँकर व दुचाकीच्या अपघातप्रकरणात पोलिसांनी चालकासह टँकर मालकाला अटक केली. चालक दारूच्या नशेत टँकर चालवित होता. त्यामुळे हा अपघात झाला. अपघातात १९ वर्षीय तरुणाला मृत्यू झाल्याचे पोलिसांच्या तपासात समोर आले. त्यानंतर ही कारवाई केली आहे. टँकर मालक नितीन मधुकर ननावरे (वय ४६, रा. कोणार्कपुरम सोसायटी) चालक रवींद भीमराव दनाने (वय ३४) अशी अटक केलेल्या दोघांची नावे आहेत. अपघातात आरिज एजाज शेख (वय १९) या तरुणाचा मृत्यू झाला आहे. याप्रकरणी काळेपडळ पोलिसांत गुन्हा नोंद आहे.
लष्कराच्या एआयपीटीमधून ५ ट्रॉफी, दोन ब्रॉंझ सिल्व्हर ट्रॉफींची चोरी – सविस्तर बातमी
टँकर नितीन ननावरे याचा आहे. तर, रवींद्र दनाने त्यावर चालक म्हणून काम करत होता. पण, रवींद्र याला दारूचे व्यसन आहे. ही गोष्ट मालक नितीन याला माहिती होती. तरीही त्याने त्याला नोकरीस ठेवले आणि त्याच्या ताब्यात टँकर देखील चालविण्यास दिला. दरम्यान, घटनेच्या दिवशी रवींद्र हा दारू पिऊन टँकर चालवित शीतल पेट्रोल पंपाजवळून जात होता. तेव्हा दुचाकीस्वार आरिज हा तेथून जात असताना रवींद्र याने त्याच्या दुचाकीला पाठिमागून धडक देऊन त्याच्या मृत्यूस कारणीभूत झाला. पोलिसांनी प्रथम रवींद्र याला अटक केली. चौकशीनंतर त्याला दारूचे व्यसन असल्याचे तसेच अपघाताच्यावेळी तो दारू पिला असल्याचे समोर आले. त्यानंतर पोलिसांनी टँकर मालक नितीन ननावरे यालाही जबाबदार धरत अटक केली.
