मोटार चालाकचे नियंत्रण सुटल्याने अपघात
marathinews24.com
पुणे – काँग्रेसचे माजी शहराध्यक्ष अभय छाजेड यांच्या मोटारीचा पिंरगुट घाटात सोमवारी रात्री अपघात झाला. मोटार चालाकचे नियंत्रण सुटल्याने मोटार घाटातील कपारीवर आदळली. अपघातात छाजेड यांना दुखापत झाली असून, त्यांना शहरातील एका खासगी रुग्णालयात उपाचारांसाठी दाखल करण्यात आले आहे.
आपटे रस्त्यावरील हाॅटेलमध्ये उद्योजकाचा मृतदेह आढळला – सविस्तर बातमी
छाजेड यांचे पौड परिसरात महाविद्यालय (आर्किटेक्चर काॅलेज) आहे. सोमवारी रात्री ते नऊच्या सुमारास मोटारीतून पौड परिसरातील पिरंगुट घाटातून पुण्याकडे येत होते. घाटात त्यांच्या मोटारीला अपघात झाला. मोटार चालकाचे नियंत्रण सुटल्याने मोटार कपारीवर आदळली. अपघात झाल्यानंतर नागरिकांनी तेथे धाव घेतली. अपघातात त्यांच्या मोटारीचे नुकसान झाले. मोटार चालकाच्या शेजारील आसनावर छाजेड बसले होते. छाजेड यांना दुखापत झाली. अपघातानंतर छाजेड यांना त्वरीत खासगी रुग्णालयात दाखल करण्यात आले, अशी माहिती सूत्रांनी दिली. अपघातानंतर काँग्रेस कार्यकर्त्यांनी खासगी रुग्णालयाच्या परिसरात गर्दी केली.
