सिंहगड रस्ता भागातील घटना
marathinews24.com
पुणे – मद्य विक्री दुकानात काम करणाऱ्या रोखपालाला मारहाण करुन चोरट्यांनी आठ लाख रुपयांची रोकड लुटल्याची घटना सिंहगड रस्ता परिसरात घडली. या प्रकरणी चोरट्यांविरुद्ध गुन्हा दाखल करण्यात आला. याबाबत हौसकुमार प्रकाश इंगळे (वय ४२) यांनी नऱ्हे पोलीस ठाण्यात फिर्याद दिली आहे. याप्रकरणी दुचाकीस्वार चोरट्यांविरुद्ध गुन्हा दाखल करण्यात आला आहे.
पुणे रेल्वे स्थानकाच्या फलाटावरील कार्यालयात आग – सविस्तर बातमी
पोलिसांनी दिलेल्या माहितीनुसार, इंगळे हे नऱ्हे भागातील एका मद्य विक्री दुकानात रोखपाल आहे. रविवारी (२६ जुलै) रात्री अकराच्या सुमारास दुकानात जमा झालेली रोकड घेऊन ते दुचाकीवरुन सिंहगड रस्ता भागातील प्रयेजा सिटी रस्त्याने निघाले होते. त्या वेळी वारजेकडे जाणाऱ्या सेवा रस्त्यावर दुचाकीवरुन आलेल्या चौघा चोरट्यांनी त्यांना अडवले. चेहऱ्यावर स्प्रे मारुन चोरट्यांनी आठ लाख सहा हजार रुपयांची रोकड असलेली पिशवी हिसकावून नेली. इंगळे यांना चोरट्यांनी मारहाण केली, त्यानंतर चोरटे दुचाकीवरुन पसार झाले. घाबरलेल्या इंगळे यांनी या घटनेची माहिती पोलिसांना दिली. पोलीस उपायुक्त अबिनाश कुमार, सहायक आयुक्त विजय कुंभार, वरिष्ठ पोलीस निरीक्षक वर्षा देशमुख यांनी घटनास्थळी भेट दिली. पसार झालेल्या चोरट्यांचा शेोध घेण्यात येत आहे. गुन्हे शाखेचे पोलीस निरीक्षक ईश्वर चव्हाण तपास करत आहेत.
