पिसोळीमध्ये भरधाव ट्रॅक्टरच्या धडकेत आठ वर्षांच्या मुलीचा मृत्यू
marathinews24.com
पुणे – ट्रॅक्टरच्या चाकाखाली सापडून (Tractor Accident) आठ वर्षांच्या मुलीचा मृत्यू झाल्याची घटना कात्रज-कोंढवा रस्त्यावरील पिसोळी परिसरात घडली. या प्रकरणी ट्रॅक्टर चालकासह मालकाविरुद्ध पोलिसांनी गुन्हा दाखल केला आहे. ट्रॅक्टर चालकाकडे वाहन चालविण्याचे परवाना नसल्याचे चौकशीत उघड झाले आहे.वर्षा अजय जगदेव (वय ८, सध्या रा. मासाळ चाळीजवळ, पिसोळी, कात्रज-कोंढवा रस्ता) असे मृत्युमुखी पडलेल्या मुलीचे नाव आहे. ट्रॅक्टर चालक गणेश शंकर दिवटे (रा. सद्गुरु बिल्डींग, पिसोळी), भाऊसाहेब बाजीराव मासाळ (वय ४७, रा. मयूरी ऑप्टिमम सोसायटी, पिसोळी ) Tractor Accident यांच्याविरुद्ध गुन्हा दाखल केला आहे. अजय संजय जगदेव (वय २७) याने काळेपडळ पोलीस ठाण्यात फिर्याद दिली आहे.
शिरुरमध्ये हाॅटेल चालकाचा गोळ्या झाडून खून – सविस्तर बातमी
(Tractor Accident) अजय जगदेव आणि कुटुंबीय मूळचे गुजरातमधील सूरतचे रहिवासी आहेत. जगदेव मजूरी करतो. १७ सप्टेंबर रोजी सकाळी साडे नऊच्या सुमारास जगदेव याची मुलगी वर्षा पिसाेळीतील होले वस्ती परिसरातून निघाली होती. त्या वेळी भरधाव ट्रॅक्टरने तिला धडक दिली. ट्रॅक्टरच्या चाकाखाली सापडून तिचा मृत्यू झाला. अपघातानंतर ट्रॅक्टर चालक घटनास्थळावरुन पसार झाला. पोलिसांनी चौकशी केली. तेव्हा ट्रॅक्टर चालकाच्या चुकीमुळे अपघात झाल्याची माहिती मिळाली. ट्रॅक्टर चालकाकडे वाहन चालविण्याचा परवाना नसल्याची माहिती चौकशीत मिळाली आहे. पोलिसांनी ट्रॅक्टर चालकासह मालकाविरुद्ध गुन्हा दाखल केला असून, पोलीस हवालदार रासकर तपास करत आहेत.
पिस्तूल बाळगणारा सराईत गजाआड
देशी बनावटीचे पिस्तूल बाळगणाऱ्या सराइताला कोंढवा पोलिसांनी अटक केली. त्याच्याकडून पिस्तूल आणि एक काडतूस असा मु्द्देमाल जप्त करण्यात आला. अमन जमील खान (वय २७, रा. सुप्रीम लिगा सोसायटी, इनामनगर, कोंढवा खुर्द) असे अटक करण्यात आलेल्याचे नाव आहे. खान हा सराईत आहे. तो डिलिव्हरी बाॅय म्हणून काम करतो. १८ सप्टेंबर रोजी कोंढवा परिसरात पोलिसांचे पथक गस्त घालत होते. त्या वेळी साईबाबानगर परिसरात खान हा थांबला असून, त्याच्याकडे देशी बनावटीचे पिस्तूल असल्याची माहिती तपास पथकातील पोलीस कर्मचारी पुष्पेंद्र चव्हाण आणि केशव हिरवे यांना मिळाली. पोलिसांच्या पथकाने सापळा लावून त्याला पकडले. त्याची झडती घेण्यात आली. तेव्हा त्याच्याकडे देशी बनावटीचे पिस्तूल सापडले.
खान याच्याविरुद्ध गंभीर स्वरुपाचे गुन्हे दाखल आहेत. त्याने पिस्तूल कुणाकडून आणले, तसेच का बाळगले ? यादृष्टीने तपास करण्यात येत आहे. वरिष्ठ पोलीस निरीक्षक संतोष खेतमाळस, गुन्हे शाखेचे निरीक्षक संतोष चौधरी, प्रशांत मंडले यांच्या मार्गदर्शनाखाली उपनिरीक्षक रवींद्र गावडे, सागर पवार, हवालदार अमोल हिरवे, रवींद्र चिप्पा,कानिफनाथ कारखेले, राहुल रासगे, अमित सूर्यवंशी, रियाज पटेल, रवी जाधव, पुष्पेंद्र चव्हाण यांनी ही कामगिरी केली.
