रिक्षाचालकाविरुद्ध गुन्हा दाखल
marathinews24.com
पुणे – रिक्षा चालकाने दिलेल्या धडकेत पादचाऱ्याचा मृत्यू झाल्याची घटना खडकवासला धरण परिसरात घडली. याप्रकरणी रिक्षाचालकाविरुद्ध गुन्हा दाखल करण्यात आला आहे.संतोष माधव मते (वय ४७, रा. खडकवासला) असे मृत्युमुखी पडलेल्या पादचाऱ्याचे नाव आहे. याप्रकरणी रिक्षाचालक राेहित दत्तात्रय चव्हाण (रा. खडकवासला) याच्याविरुद्ध गुन्हा दाखल करण्यात आला आहे. अविनाश माधव मते (वय ४५, रा. खडकवासला) यांनी नांदेड सिटी पोलीस ठाण्यात फिर्याद दिली आहे.
धक्कादायक…विजेचा शॉक लागून १० वर्षीय मुलाचा मृत्यू – सविस्तर बातमी
पोलिसांनी दिलेल्या माहितीनुसार, संतोष मते हे १० मे रोजी खडकवासला धरण परिसरातून निघाले हाेते. त्यावेळी भरधाव रिक्षाने त्यांना धडक दिली. अपघातात गंभीर जखमी झालेल्या मते यांचा उपचारांदरम्यान मृत्यू झाला. मते यांचे भाऊ अविनाश यांनी नुकतीच पोलिसांकडे तक्रार दिली. त्यानंतर याप्रकरणी गुन्हा दाखल करण्यात आला असून, रिक्षाचालक रोहित चव्हाण याने मद्यप्राशन करुन अपघात केल्याचे मते यांनी फिर्यादीत नमूद केले आहे. मात्र याप्रकरणी अजून वैद्यकीय अहवाल येणार असल्याचे पोलिसांनी सांगितले. सहायक पोलीस निरीक्षक यादव तपास करत आहेत.
