बोपोडीतील घटना
marathinews24.com
पुणे – कौटुंबिक वादातून एकाने मोठ्या भावावर तीक्ष्ण शस्त्राने वार केल्याची घटना बोपोडी भागात घडली. खुनाचा प्रयत्न केल्याप्रकरणी खडकी पोलिसांनी लहान भावाविरुद्ध गुन्हा दाखल केला. वफाद शेख (वय ४५) याच्याविरुद्ध गुन्हा दाखल करण्यात आला आहे. याबाबत यास्मिन शेख (वय ४५) यांनी खडकी पोलीस ठाण्यात फिर्याद दिली आहे.
लिफ्टमध्ये अडकलेल्या जेष्ठाची सुटका – सविस्तर बातमी
पोलिसांनी दिलेल्या माहितीनुसार, फिर्यादी यास्मिन शेख यांचा आरोपी वफाद हा दीर आहे. ते शेजारी राहायला आहेत. तीन दिवसांपुर्वी यास्मिन, त्यांचे पती आणि नातेवाईक घरी गप्पा मारत होते. तेव्हा आरोपी वफाद हा त्यांच्या दरवाजात आला. मोठ्याने बोलू नका, असे सांगून त्याने शिवीगाळ करण्यास सुरुवात केली. या कारणावरुन त्यांच्यात वादावादी झाली. आरोपी वफादने मोठ्या भावावर तीक्ष्ण शस्त्राने वार करुन त्यांना जिवे मारण्याचा प्रयत्न केला. यास्मिन यांच्या पतीला रुग्णालयात दाखल करण्यात आले. उपचारानंतर त्यांनी पोलिसांकडे तक्रार दिली. गुन्हे शाखेचे पोलीस निरीक्षक बागवे तपास करत आहेत.
