पुणे-सोलापूर रस्त्यावरील कुंजीरवाडीतील घटना
marathinews24.com
पुणे – रस्त्यात बंद पडलेल्या एसटी बसमधून चोरट्यांनी डिझेल चोरुन नेल्याची घटना पुणे-सोलापूर रस्त्यावरील कुंजीरवाडी परिसरात घडली. याप्रकरणी चोरट्यांविरुद्ध लोणी काळभोर पोलीस ठाण्यात गुन्हा दाखल केला आहे. एसटी बसचालक रमेश पोटभरे (वय ५२, रा. एसटी कॉलनी, पुणे-सातारा रस्ता) यांनी लोणी काळभोर पोलीस ठाण्यात फिर्याद दिली आहे.
फ्लॅटमधून ७ लाखांचा ऐवज लांबविला, वाघोलीतील घटना – सविस्तर बातमी
पोलिसांनी दिलेल्या माहितीनुसार, पोटभरे हे पिंपरी-चिंचवडमधील वल्लभनगर आगारातून १७ जून रात्री प्रवाशांसह तुळजापूरला निघाले होते. पुणे-सोलापूर महामार्गावर कुंजीरवाडी गावाजवळ एसटी बसमध्ये बिघाड झाला. त्यामुळे एसटी बसचालक पोटभरे आणि वाहकाने बस ताम्हाणे वस्ती परिसरातील एस फोर जी हॉटेलसमोर रात्री एसटी उभी केली होती.
हॉटेलसमोरील मोकळ्या जागेत त्यांनी बस उभी केली होती. चोरट्यांनी मध्यरात्री एसटी बसच्या डिझेल टाकीचे झाकण उघडून त्यातील डिझेल चोरले. शेजारी लावलेल्या टँकरच्या टाकीचे झाकण उघडून चोरट्यांनी डिझेल चोरले. एसटी बस आणि टँकरमधून एकुण मिळून १८० लिटर डिझेल कॅनमध्ये भरुन चोरटे पसार झाले. चोरलेल्या डिझेलची किंमत ३० हजार रुपये असून, पोलीस हवालदार सातपुते तपास करत आहेत.
