उरळी देवाची परिसरातील घटना
marathinews24.com
पुणे – जुन्या भांडणाच्या रागातून लाँड्री व्यावसायिकाला बेदम मारहाण करणार्या टोळक्याला फुरसुंगी पोलिसांनी अटक केली आहे. ही घटना १६ जूनला संध्याकाळी सहाच्या सुमारास उरळी देवाची परिसरातील भाजी मंडई परिसरातील दुकानात घडली होती. याप्रकरणी फुरसुंगी पोलिसांकडून गुन्हा दाखल करण्यात आला असून, चौघांना अटक केली आहे.
खर्चासाठी पैसे न दिल्यामुळे आईलाच केली बेदम मारहाण – सविस्तर बातमी
मेन बाबू मोहम्मद हबीब सलमानी (वय २९ रा. उरळी देवाची, हवेली) रफिक मोहम्मद हबीब सलमानी (वय ४०) मोहम्मद सद्दीक मोहम्मद हबीब सलमानी (वय ३२) इम्रान इदू सलमानी (वय २४) अशी अटक केलेल्यांची नावे आहेत. याप्रकरणी पवनकुमार कनोजिया (वय २८, रा. फुरसुंगी )यांनी फिर्याद दाखल केली आहे.
पोलिसांनी दिलेल्या माहितीनुसार, तक्रादार पवनकुमार हा लाँड्री व्यावसायिक असून, आरोपी सलमानी उरळी देवाची परिसरात राहायला आहेत. त्यांच्यात काही दिवसांपुर्वी वादविवाद झाले होते. त्याच रागातून सलमानी कुटूंबियाने पवनकुमारला १६ जूनला लाँड्रीच्या दुकानात गाठले. त्यांना शिवीगाळ करून बेदम मारहाण केली. याप्रकरणी पवनकुमारने तातडीने पोलीस ठाणे गाठून तक्रार दाखल केली होती. त्यानुसार पथकाने चौघांना अटक केली आहे. याप्रकरणी पोलीस उपनिरीक्षक जाधव तपास करीत आहेत.
