विमानतळ पोलीस ठाण्यात गुन्हा दाखल
marathinews24.com
पुणे – घरातील कपाटातून ५२ हजारांची रोकड आणि सोन्या-चांदीचे दागिने चोरून नेणार्या केअर टेकरला विमानतळ पोलिसांनी अटक केली आहे. ही घटना जुलै ते ९ ऑक्टोबर कालावधीत विमानगरमधील रोहिन मिथिला याठिकाणी झाली होती. गणेश उत्तम गायकवाड (वय ३९ रा. हिंगणे मळा, हडपसर) असे अटक केलेल्या केअर टेकरचे नाव आहे. याप्रकरणी तरूणाने विमानतळ पोलीस ठाण्यात फिर्याद दाखल केली आहे.
येवलेवाडीत गोदामातून १ लाखांचे साहित्य चोरीला – सविस्तर बातमी
पोलिसांनी दिलेल्या माहितीनुसार, तक्रारदार हे कुटूंबियासह विमानगरमधील रोहिन मिथिला याठिकाणी राहायला आहेत. जुलै ते ऑक्टोबर कालावधीत त्यांच्याकडे गणेश गायकवाड हा केअर टेकर कामाला होता. दरम्यानच्या कालावधीत त्याने घरातील कपाटातून ५२ हजारांची रोकड, सोन्याचे दागिने असा ३ लाख १२ हजारांचा ऐवज चोरून नेला होता. याप्रकरणी गुन्हा दाखल झाल्यानंतर पोलिसांनी त्याला अटक केली आहे. याप्रकरणी पोलीस उपनिरीक्षक चेतन भोसले तपास करीत आहेत.
