सहप्रवासी मुलगा जखमी
marathinews24.com
पुणे – Dive Ghat accident : भरधाव ट्रकच्या धडकेत दुचाकीस्वारासह महिलेचा मृत्यू झाल्याची घटना दिवे घाटात घडली. अपघातात दुचाकीवरील मुलगा गंभीर जखमी झाला. या प्रकरणी फुरसुंगी पोलिसांनी ट्रक चालकाला अटक केली. सुंदर गंगावणे, अनन्या गंगावणे अशी मृत्युुमुखी पडलेल्यांची नावे आहेत. अपघातात सोहम गंगावणे जखमी झाला असून, त्याच्यावर रुग्णालयात उपचार सुरू आहेत. या प्रकरणी ट्रक चालक हनुमंत बाबूराव मलकापुरे (वय ३२, रा. नागेवाडी, ता. शिरुर अनंतपाळ, जि. लातूर) याला अटक करण्यात आली. याबाबत अश्विनी उत्तम पवार (वय ३०, रा. कमलविहार सोसायटी, धनकवडी) यांनी फुरसुंगी पोलीस ठाण्यात फिर्याद दिली आहे.
पुण्यात रविवार पेठेत महिलेच्या पिशवीतून रोकड चोरी – सविस्तर बातमी
पोलिसांनी दिलेल्या माहितीनुसार, फिर्यादी अश्विनी पवार यांचे मामेभाऊ सुंदर गंगावणे, अनन्या, सोहम हे दुचाकीवरुन पुणे-सासवड रस्त्यावरुन ३० मार्च रोजी मध्यरात्री सव्वाबाराच्या सुमारास निघाले होते. दिवे घाटात भरधाव ट्रकने दुचाकीला धडक दिली. अपघातात सुंदर गंगावणे, अनन्या आणि सोहम गंभीर जखमी झाले. अपघाताची माहिती मिळताच पोलीस उपनिरीक्षक ढावरे, उपनिरीक्षक देशमुख यांनी घटनास्थळी भेट दिली. गंभीर जखमी झालेले सुंदर, अनन्या, सोहम यांना तातडीने रुग्णालयात दाखल करण्यात आले. उपचारांदरम्यान त्यांचा मृत्यू झाला. सोहम याच्यावर रुग्णालयात उपचार सुरू आहेत. ट्रक चालकाला अटक करण्यात आली असून, पोलीस उपनिरीक्षक देशमुख तपास करत आहेत.
