मांजरी पोलिस ठाण्यात गुन्हा दाखल
marathinews24.com
पुणे – शहरात घरफोड्या करणाऱ्या चोरट्यांचा धुमाकूळ सुरूच असून, मांजरीत चोरट्यांनी बंद फ्लॅट फोडत १४ लाखांचा ऐवज चोरून पोबारा केला आहे. याप्रकरणी मांजरी पोलिस ठाण्यात ३६ वर्षीय व्यक्तीने तक्रार दिली आहे. त्यावरून अज्ञात चोरट्यांविरूद्ध गुन्हा नोंद करण्यात आला आहे. ही घटना मंगळवारी सकाळी साडे आठ ते रात्री आठ या वेळेत भरदिवसा घडली आहे.
घरफोड्या करणाऱ्या दोघांना बेड्या – सविस्तर बातमी
पोलिसांच्या माहितीनुसार, तक्रारदार शेवाळवाडी येथील हरिदास कृपा परिसरात राहण्यास आहेत. दरम्यान, ते कुटूंबासह घराला कुलूप लावून बाहेर गेले होते. त्यादरम्यान, चोरट्यांनी त्यांच्या घराचे कुलूप उचकटून आत प्रवेश केला. तसेच, घरातील सोन्या-चांदिचे दागिने व रोकड असा १४ लाख २६ हजार रुपयांचा ऐवज चोरून नेला आहे. अधिक तपास पोलिस करत आहेत.
