पुष्पहार व गुलाबपुष्प अर्पण करुन केले अभिवादन
marathinews24.com
मुंबई – महाराष्ट्राचे माजी मुख्यमंत्री व सहकार महर्षी स्व.वसंतदादा पाटील यांच्या जयंतीनिमित्त आज गुरुवार, दिनांक 13 नोव्हेंबर, 2025 रोजी विधान भवन परिसरातील त्यांच्या पुतळयास महाराष्ट्र विधानपरिषदेच्या उप सभापती डॉ. नीलम गोऱ्हे यांनी पुष्पहार व गुलाबपुष्प अर्पण करुन अभिवादन केले.
याप्रसंगी महाराष्ट्र विधानमंडळ सचिवालयाचे सचिव-1 जितेंद्र भोळे, मा.उप सभापती यांचे खाजगी सचिव अविनाश रणखांब, अवर सचिव (समिती) सुरेश मोगल, संचालक, वि.स.पागे, संसदीय प्रशिक्षण केंद्र आणि जनसंपर्क अधिकारी निलेश मदाने यांच्यासह इतर अधिकारी व कर्मचाऱ्यांनीही स्व.वसंतदादा पाटील यांच्या पुतळयास पुष्पहार व गुलाबपुष्प अर्पण करुन अभिवादन केले.
