वानवडी पोलीस ठाण्यात चौघांविरूद्ध गुन्हा दाखल
marathinews24.com
पुणे – दुध आणण्यासाठी गेलेल्या तरूणाला चौघाजणांनी बेदम मारहाण करीत त्याच्यावर कोयत्याने वार करून गंभीररित्या जखमी केले. ही घटना १३ मे रोजी रात्री साडेआठच्या सुमारास हडपसर परिसरातील वैदुवाडीतील खजुरे वस्तीवर घडली आहे. याप्रकरणी २३ वर्षीय तरूणाने वानवडी पोलीस ठाण्यात फिर्याद दाखल केली आहे. त्यानुसार चौघांविरूद्ध गुन्हा दाखल करण्यात आला आहे.
मसाज पार्लरमध्ये देहविक्रयाचा आरोप करुन खंडणी उकळली – सविस्तर बातमी
पोलिसांनी दिलेल्या माहितीनुसार, तक्रारदार तरूण वैदुवाडी परिसरात राहायला असून, १३ मे रोजी रात्री साडेआठच्या सुमारास तो दुध आणण्यासाठी दुकानात गेला होता. त्यावेळी चौघांनी त्याला गाठून विनाकारण मारहाण केली. त्यानंतर कोयत्याने त्यांच्यावर वार करून जखमी केले आहे. त्यानंतर टोळक्याने तक्रारदाराच्या घरात शिरून पत्नीला शिवीगाळ करीत संसारपयोगी साहित्याची तोडफोड केली आहे. याप्रकरणी पोलीस उपनिरीक्षक शशिकांत लोंढे तपास करीत आहेत.
क्रिप्ट्रो करन्सी वॉलेटमधून १० लाखांची चोरी
पुणे- क्रिप्ट्रो करन्सी वॉलेटवर सायबर हल्ला करीत चोरट्याने तब्बल १० लाख रूपयांची आर्थिंक फसवणूक केली आहे. ही घटना २१ एप्रिल ते ७ मे २०२६ कालावधीत बाणेरमध्ये घडली आहे. याप्रकरणी बालेवाडीत राहणार्या ४२ वर्षीय तरूणाने बाणेर पोलीस ठाण्यात फिर्याद दाखल केली आहे. त्यानुसार अज्ञात वॉलेट धारकाविरूद्ध गुन्हा दाखल करण्यात आला आहे.
पोलिसांनी दिलेल्या माहितीनुसार, तक्रारदार तरूण बालेवाडीत राहयला असून, त्यांचे क्रिप्ट्रो करन्सी वॉलेट आहे. २१ एप्रिल ते ७ मे कालावधीत अज्ञात वॉलेटधारकाने त्यांच्या वॉलेटवर सायबर हल्ला केला. तक्रारदाराच्या वॉलेटच्या ब्लॉकचेन अॅड्रेस आणि प्रायव्हेट कीचा वापर करीत तब्बल १० लाख रूपये वर्ग करून घेत फसवणूक केली आहे. याप्रकरणी पोलीस निरीक्षक अलका सरग तपास करीत आहेत.
