कोरेगाव पार्क भागातील घटना
marathinews24.com
पुणे – फटाके वाजविताना झालेल्या वादातून तरुणावर तीक्ष्ण शस्त्राने वार करण्यात आल्याची घटना कोरेगाव पार्क भागात घडली. याप्रकरणी पोलिसांनी दोघांना अटक केली.ओंकार बसूराज कोळी (वय २६), शुभम बसूराज कोळी (वय २६, दोघे रा. दरवडे मळा, कोरेगाव पार्क ) अशी अटक करण्यात आलेल्यांची नावे आहेत. तरुणाने कोरेगाव पार्क पोलीस ठाण्यात फिर्याद दिली आहे.
लक्ष्मीपूजनाच्या दिवशी २० लाखांचा ऐवज लंपास – सविस्तर बातमी
पोलिसांनी दिलेल्या माहितीनुसार, लक्ष्मी पुजनाच्या दिवशी (२१ ऑक्टोबर) तक्रारदार तरुण आणि मित्र रात्री साडेनऊच्या सुमारास घरासमोर थांबले होते. त्यावेळी आरोपी ओंकार आणि त्याचा भाऊ शुभम घरासमोर फटाके वाजवत होते. फटाके वाजवण्यावरुन त्यांच्यात वाद झाला. आरोपी कोेळी यांंनी तक्रारदार तरुण, त्याची आई आणि मित्राला शिवीगाळ करुन धक्काबुक्की केली. त्यानंतर आरोपींनी तरुणावर तीक्ष्ण शस्त्राने वार केले. आरोपींना पोलिसांनी अटक केली. सहायक पोलीस निरीक्षक हंडाळ तपास करत आहेत.
वैमनस्यातून तरुणावर वार
वैमनस्यातून तरुणावर तीक्ष्ण शस्त्राने वार करण्यात आल्याची घटना येरवडा परिसरात घडली. याप्रकरणी एकाला अटक करण्यात आली. प्रेम विकी ससाणे (वय १९, रा. यशवंतनगर, येरवडा) असे अटक करण्यात आलेल्या तरुणाचे नाव आहे. त्याच्याबरोबर असलेल्या दोन साथीदारांविरुद्ध गुन्हा दाखल करण्यात आला आहे. तरुणाने येरवडा पोलीस ठाण्यात फिर्याद दिल आहे.
पोलिसांनी दिलेल्या माहितीनुसार, तक्रारदार तरुण लक्ष्मीपुजनाच्या दिवशी (२१ ऑक्टोबर) रात्री साडेअकराच्या सुमारास यशवंतनगर भागात थांबला होता. त्यावेळी वैमनस्यातून आरोपी ससाणे आणि साथीदारांनी त्याला शिवीगाळ करुन त्याच्यावर तीक्ष्ण शस्त्राने वार केले. पोलीस कर्मचारी कायगुडे तपास करत आहेत.
