शेवाळेवाडी चौकातील घटना
marathinews24.com
पुणे – पेट्रोल आणि डिझेलची वाहतूक करणार्या टँकरला आग लागल्याची घटना सोमवारी दि. १० सकाळी सव्वा नउच्या सुमारास हडपसरनजीक शेवाळेवाडी चौकात घडली. त्यावेळी अग्निशमन दलाने घटनानस्थळी धाव घेत आगीवर नियंत्रण मिळविले. त्यामुळे मोठा धोका टळला असून, इंधनाला आग लागून होणारे संभाव्य नुकसान टळले आहे.
पिस्तूल बाळगणारे सराईत अटकेत – सविस्तर बातमी
शेवाळेवाडी चौकामध्ये पेट्रोल टँकरला आग लागल्याची वर्दि अग्निशमन दलाच्या नियंत्रण कक्षाला मिळाली होती. त्यानुसार हडपसर, काळेपडल, बी टी कवडे रोड आणि खराडी अग्निशमन केंद्र वॉटर टँकर रवाना करण्यात आले. घटनास्थळी जवानांनी पाहणी केली असता, टँकर अगदी चौकामध्ये रस्त्यावर केबिनने पेट घेतल्यान धोका निर्माण आहे. जवानांनी तत्पर आगीवर पाण्याचा मारा करीत आग टँकमधील पेट्रोल व डिझेलला लागणार नाही याची खबरदारी घेतली. आगीवर नियंत्रण मिळवण्यात यश मिळवले. अग्निशमन दलाची वाहने वेळेत पोहोचल्याने व जवानांनी बजावलेले कर्तव्यामुळेच मोठा धोका टळला.
आग लागल्यानंतर टँकर चालक घाबरल्याने वाहनातून उडी मारून बाहेर पडल्याने बचावला. टँकरमध्ये १५ हजार लिटर डिझेल आणि ५ हजार लिटर पेट्रोलसाठा होता. टँकर चालक इंधन घेउन लोणी येथून जात होता. कामगिरीत अग्निशमन अधिकारी प्रमोद सोनावणे, निलेश लोणकर व वाहचालक नारायण जगताप, राजू शेख आणि तांडेल शौकत शेख तसेच फायरमन बाबा चव्हाण, चंद्रकांत नवले, रामदास लाड, अविनाश ढाकणे या जवानांनी सहभाग घेतला. अग्निशमन दलाची वाहने वेळेत पोहोचत जवानांनी दाखवलेली सतर्कता यामुळे मोठी हानी टळली अन्यथा मोठी दुर्घटना घडली असती, असे मुख्य अग्निशमक अधिकारी देवेंद्र पोटफोडे यांनी सांगितले.
