नांदेड सिटी पोलीस ठाण्यात गुन्हा दाखल
marathinews24.com
पुणे – शेअर ट्रेडींगमध्ये गुंतवणूकीच्या आमिषाने सायबर चोरट्याने एकाला तब्बल ७ लाख ८० हजारांचा ऑनलाईन गंडा घातला आहे. ही घटना १० जून ते १ जुलै २०२५ कालावधीत नांदेड सिटी परिसरात घडली आहे. याप्रकरणी ५८ वर्षीय नागरिकाने नांदेड सिटी पोलीस ठाण्यात फिर्याद दाखल केली आहे. त्यानुसार मोबाइलधारकाविरूद्ध गुन्हा दाखल केला आहे.
येरवडा कारागृहात कैद्यावर फरशीने हल्ला – सविस्तर बातमी
पोलिसांनी दिलेल्या माहितीनुसार, तक्रारदार हे नांदेडसिटी परिसरात राहायला असून, १० जूनला सायबर चोरट्यांनी त्यांना फोन केला. कस्टमर केअर सेंटरमधून बोलत असल्याची बतावणी केली. ब्रोकरच्यावतीने शेअर मार्केटमध्ये गुंतवणूक केल्यास चांगला परतावा मिळवून देतो, अशी बतावणी केली. त्यानंतर सायबर चोरट्यांनी तक्रारदारांचा विश्वास संपादित केला. त्यानंतर तक्रारदाराने गुंतवणूकीला सुरूवात केली. अवघ्या १५ दिवसांत तब्बल ७ लाख ८० हजारांची गुंतवणूक केली. मात्र, त्यांना परतावा मिळाला नाही. फसवणूक झाल्याचे लक्षात आल्यानंतर तक्रारदाराने पोलीस ठाण्यात धाव घेतली. याप्रकरणी पोलीस निरीक्षक प्रसाद राउत तपास करीत आहेत.
