सहायक पोलिस आयुक्तांच्या बदल्या
marathinewsw24.com
पुणे – शहर पोलीस दलात २ नवीन परिमंडळ निर्माण करण्यात आले. जुन्या कार्यक्षेत्राचे विभाजन करुन नवीन परिमंडळ स्थापन करण्यात आले आहे. त्यानुसार नवीन पोलीस उपायुक्त व सहायक पोलीस आयुक्तांच्या अंतर्गत बदल्या करण्यात आल्या आहेत. राज्य सरकारने नुकतीच शहर पोलिस दलासाठी नवीन पाच पोलिस ठाण्यासह दोन परिमंडळास मान्यता दिली आहे. त्यानुसार नवीन परिमंडळावर पोलिस उपायुक्तांच्या नियुक्त्या केल्या आहेत.
एकात्मता भारतीय ज्ञान परंपरेचा मुख्य बिंदू – सविस्तर बातमी
परिमंडळांच्या उपायुक्तांच्याही काही प्रमाणात बदल्या करण्यात आल्या आहेत. त्यानुसार राज्य राखीव पोलिस दल, गट ७ दौंडचे समादेशक चिलुमुला रजनीकांत यांची परिमंडळ ४ च्या पोलिस उपायुक्तपदी नियुक्ती करण्यात आली आहे. राजलक्ष्मी शिवणकर यांची पोलिस मुख्यालयातून परिमंडळ पाचच्या पोलिस उपायुक्तपदी बदली करण्यात आली आहे. पोलिस उपायुक्त डॉ. राजकुमार शिंदे यांची परिमंडळ सहा च्या पोलिस उपायुक्तपदी नियुक्ती झाली आहे. तर परिमंडळ ४ चे सोमय मुंडे यांची परिमंडळ सातच्या पोलिस उपायुक्तपदी बदली झाली आहे. पुण्यात नव्याने आलेले सागर कवडे यांची पोलिस उपायुक्त मुख्यालय येथे नियुक्ती देण्यात आली आहे.
तसेच परिमंडळ ६ व ७ साठी प्रत्येकी २ सहायक पोलिस आयुक्तपद निर्माण करण्यात आल्याने शहरातील सहायक पोलिस आयुक्तांच्याही अंतर्गत बदल्या केल्या आहेत.
सहायक पोलीस आयुक्त बदल्या
अतुलकुमार नवगिरे (विशेष शाखा ते हडपसर विभाग नुतन पवार (विशेष शाखा ते लोणीकंद विभाग, प्रांजली सोनावणे (येरवडा विभाग) ते खराडी विभाग, राहुल आवारे (स्वारगेट विभाग) ते भारती विद्यापीठ विभाग, सुनिल जैतापूरकर (अभियान) ते येरवडा विभाग, धन्यकुमार गोडसे (आस्थापना) ते स्वारगेट विभाग, अनुराधा उदमले (हडपसर विभाग) ते लोणी काळभोर विभाग, सहायक पोलीस आयुक्त शैलेश संखे (पदोन्नती) गुन्हे शाखा.
