शंकरशेठ रस्त्यावर घडली घटना
marathinews24.com
पुणे – भरधाव ट्रकच्या धडकेत रिक्षा चालकाचा मृत्यू झाल्याची घटना शंकरशेठ रस्त्यावर घडली. याप्रकरणी ट्रक चालकाविरुद्ध खडक पोलिसांनी गुन्हा दाखल केला. किशोर तुळशीराम पाटील (वय ६५, रा. अष्टविनायकनगर, धनकवडी) असे मृत्युमुखी पडलेल्या रिक्षा चालकाचे नाव आहे. याबाबत पाटील यांचा मुलगा गौरव पाटील (वय २५) याने खडक पोलीस ठाण्यात फिर्याद दिली आहे.
चांदीचे मुखवटे लांबवून कारागिर पसार – सविस्तर बातमी
पोलिसांनी दिलेल्या माहितीनुसार, रिक्षा चालक किशोर पाटील हे शुक्रवारी (दि.२६ ) रात्री अकराच्या सुमारास शंकरशेठ रस्त्यावरील ढोले पाटील चौकातून (सेव्हन लव्हज चौक) निघाले होते. त्यावेळी भरधाव ट्रकने रिक्षाला धडक दिली. रिक्षा चालक पाटील गंभीर जखमी झाले. अपघातानंतर ट्रकचालक घटनास्थळी न थांबता पसार झाला. पसार झालेल्या रिक्षाचालकाचा शोध घेण्यात येत असून, सहायक पोलीस निरीक्षक वळसंग तपास करत आहेत.
