महिलेवर खुनी हल्ला; तिघांना अटक
marathinews24.com
पुणे – जुन्या भांडणाच्या रागातून टोळक्याने महिलेच्या डोक्यात लोखंडी शस्त्राने वार करीत कुटूंबियाला बेदम मारहाण केली. ही घटना २६ डिसेंबरला रात्री साडेसात वाजण्याच्या सुमारास ससाणेनगरातील समर्थनगर गल्ली क्रमांक तीनमध्ये घडली आहे. याप्रकरणी तिघाजणांना वानवडी पोलिसांनी अटक केली असून, चौघेजण पसार झाले आहे. त्यांच्या शोधार्थ पोलीस पथके रवाना करण्यात आली आहेत.
आंदेकरला तिकीट देउ नका, नाहीतर आत्मदहन करणार- कल्याणी कोमकर – सविस्तर बातमी
गणेश राम पुजारी (वय २० रा. ससाणेनगर) संतोष परमेश्वर जाधव (वय २१) साहिल विशाल सावंत (वय १९, रा. गोसावी वस्ती) अशी अटक केलेल्यांची नावे आहेत. रोहन गायकवाड, रोहित गायकवाड, दीपक सरोदे, अंबाजी शिंगे अशी पसार झालेल्या आरोपींची नावे आहेत. याप्रकरणी शेखर भारता (वय २७, रा. ससाणेनगर) यांनी वानवडी पोलीस ठाण्यात फिर्याद दाखल केली आहे.
पोलिसांनी दिलेल्या माहितीनुसार, तक्रारदार शेखर आणि त्यांची आई, चुलत भाउ २६ डिसेंबरला संध्याकाळी साडेसात वाजण्याच्या सुमारास घराजवळ बसले होते. त्यावेळी जुन्या भांडणाच्या रागातून रोहन गायकवाड शेखरच्या चुलत भावासोबत भांडण करत होता. त्यावेळी शेखरच्या आईने भांडणात मध्यस्थी केल्याच्या रागातून आरोपी रोहित गायकवाने तक्रारदाराच्या आईला जीवे ठार मारण्याच्या उद्देशाने लोखंडी हत्याराने डोक्यात मारून गंभीररित्या जखमी केले. त्यानंतर तक्रारदाराच्या चुलत भावासह मावशी चंद्रमा कंडमची यांना दगडाने मारहाण केली आहे. याप्रकरणी पोलीस उपनिरीक्षक धनाजी टोणे तपास करीत आहेत.
तरूणाला मारहाण करणारा अटकेत
भांडणाच्या रागातून तरूणाला लोखंडी हत्याराने मारून गंभीर जखमी करणार्‍या हल्लेखोराला वानवडी पोलिसांनी अटक केली आहे. ही घटना २७ डिसेंबरला रात्री सव्वा बाराच्या सुमारास वानवडीतील चौगुले मळा परिसरात घडली होती. परमजित प्रेमचंद मेहरा (वय २४ रा. मोहम्मंदवाडी, हडपसर) असे अटक केलेल्याचे नाव आहे. याप्रकरणी वानवडीत राहणार्‍या २९ वर्षीय तरूणाने फिर्याद दाखल केली आहे.
पोलिसांनी दिलेल्या माहितीनुसार, तक्रारदार तरूण वानवडी परिसरात राहायला असून, २७ डिसेंबरला मध्यरात्रीच्या सुमारास आरोपी परमजितने त्यांना लोखंडी हत्याराने मारहाण केली होती. त्यानंतर तो पसार झाला होता. याप्रकरणी गुन्हा दाखल होताच, पोलिसांनी तातडीने आरोपीला अटक केली आहे. याप्रकरणी एका अज्ञात महिलेविरूद्धही गुन्हा दाखल करण्यात आला आहे. पोलीस उपनिरीक्षक बाळासाहेब वाकडे तपास करीत आहेत.
