चोरट्यांविरुद्ध पोलीस ठाण्यात गुन्हे दाखल
marathinews24.com
पुणे – शहरातील विश्रांतवाडी, हडपसरमधील सय्यदनगर भागात चोरट्यांनी सदनिकेचे कुलूप तोडून सोन्याचे दागिने, रोकड चोरून नेल्याची घटना उघडकीस आली. याप्रकरणी घरफोडी करणाऱ्या चोरट्यांविरुद्ध काळेपडळ आणि विश्रांतवाडी पोलीस ठाण्यात गुन्हे दाखल करण्यात आले आहेत.
सराइतांकडून पोलीस हवालदाराला मारहाण – सविस्तर बातमी
विश्रांतवाडीतील विद्यानगर भागातील नवआकांक्षा सोसायटीतील सदनिकेचे कुलूप तोडून चोरट्यांनी सोन्याचे दागिने आणि रोकड असा एख लाख २० हजार रुपयांचा ऐवज लांबविल्याची घटना घडली. याबाबत एकाने विश्रांतवाडी पोलीस ठाण्यात फिर्याद दिली आहे. याप्रकरणी चोरट्यांविरुद्ध गुन्हा दाखल करण्यात आला. याबाबत एका तरुणाने विश्रांतवाडी पोलीस ठाण्यात फिर्याद दिली आहे. पोलिसांनी दिलेल्या माहितीनुसार, तक्रारदार तरुण आणि कुटुंबीय २८ डिसेंबर रोजी बाहेरगावी गेले होते. चाेरट्यांनी सदनिकेचे कुलूप तोडून रोकड, तसेच दागिने लांबविल्याचा प्रकार मंगळवारी (३० डिसेंबर) उघडकीस आला. पोलीस उपनिरीक्षक महेश भोसले तपास करत आहेत.
हडपसरमधील सय्यदनगर परिसरात एका घराचे कुलूप तोडून चोरट्यांनी सोन्याचे गंठण आणि कपाटातील साडेपाच हजारांची रोकड लांबविल्याचा प्रकार उघडकीस आला. याबाबत एकाने काळेपडळ पोलीस ठाण्यात फिर्याद दिली आहे. पोलिसांनी दिलेल्या माहितीनुसार, तक्रादार तरुण सय्यदनगरमधील गल्ली क्रमांक १२ परिसरात राहायला आहेत. चोरट्यांनी २९ डिसेंबर रोजी घराचे कुलूप तोडून कपाटातील गंठण, रोकड असा ६५ हजार ५०० रुपयांचा ऐवज लांबविल्याचा प्रकार उघडकीस आला. पोलीस उपनिरीक्षक विनायक गुरव तपास करत आहेत.
