३ व्यावसायिकांवर गुन्हा
marathinews24.com
पुणे – किरकोळ सोन्याची विक्री करणाऱ्या एका व्यावसायिकाची भवानी पेठेतील दुसऱ्या सराफी व्यावसायिकाने तब्बल ११ कोटी ५७ लाख ५२ हजार ५५७ रुपयांना फसवणूक केली. पैसे घेऊन खरेदी केलेले सोने-चांदी न देता ही फसवणूक केली आहे. याप्रकरणी पंकज गौतमचंद कोरीमुथा, नेमीचंद कोरीमुथा व आशिष नेमीचंद कोरीमुथा (रा. सर्व. शांतीनगर सोसायटी, भवानी पेठ) यांच्यावर फरासखाना पोलिस ठाण्यात गुन्हा दाखल करण्यात आला आहे. प्रविण जाधव (वय ४१) यांनी तक्रार दिली आहे. हा प्रकार १ ते २२ जानेवारी २०२६ या कालावधीत घडला आहे.
भरधाव वाहनाच्या धडकेत दुचाकीस्वार तरुणाचा मृत्यू – सविस्तर बातमी
पोलिसांच्या माहितीनुसार, तक्रारदार मुळचे चिंचवडमधील आहेत. त्यांचे मध्यभागात सराफी दुकान आहे. ते किरकोळ सोने विक्रीचा व्यवसाय करतात. दरम्यान, आरोपींचे सोने-चांदीचे ठोक स्वरूपात विक्रीचा व्यावसाय आहे. ते छोट्या सराफ दुकानांना सोने देतात. त्यांची श्री नवकार प्लस ज्वेलर्स व नवकार ज्वेलर्स नावाने फर्म आहे. दरम्यान, तक्रारदारांनी या आरोपींना सोने-चांदी खरेदीच्या व्यवहरातून आरटीजीएसद्वारे ११ कोटी ४२ लाख ८४ हजार ६०० रुपये रक्कम त्यांच्या पत्यावर पाठवली होती. तर, मागच्या व्यवहारातील १४ लाख ६७ हजार ९५७ रुपये शिल्लक रक्कम होती. ठरल्याप्रमाणे मात्र, आरोपींनी त्यांना सोने-चांदी न देता तक्रारदार यांची आर्थिक फसवणूक केली असल्याचे तक्रारीत म्हटले आहे. अधिक तपास सहायक निरीक्षक सपकाळे या करत आहेत.
