तीन अनोळखी चालकांविरोधात गुन्हा
marathinews24.com
पुणे – शहरात वानवडी परिसरात चोरट्यांनी रिक्षाने प्रवास करणाऱ्या एका ज्येष्ठाला लुटल्याची घटना घडली. दुचाकीवरून या तिघांनी रिक्षाचा पाठलागकरून तो रिक्षा अडविला आणि त्यानंतर धक्काबुक्कीकरून ६० हजारांचा ऐवज चोरून नेला आहे. याप्रकरणी ७५ वर्षीय ज्येष्ठ नागरिकाने वानवडी पोलिस ठाण्यात तक्रार दिली आहे. त्यावरून अनोळखी तिघांविरोधात गुन्हा नोंद केला आहे. हा प्रकार दोन दिवसांपुर्वी रात्री साडे दहाच्या सुमारास घडला आहे.
पार्क केलेल्या कारच्या डिक्कीतून रोकड चोरली – सविस्तर बातमी
पोलिसांच्या माहितीनुसार, तक्रारदार हे वानवडीत राहण्यास आहेत. ते बाहेर गेले होते. तेथून ते घरी परतत होते. त्यांनी प्रवासी रिक्षा घेतली. रिक्षाने ते परत येत असताना राईट फ्लॉक रोडवरील मधूरावाला ग्राऊंड येथे आले असता दुचाकीवरून पाठिलाग करणाऱ्या चोरट्यांनी त्यांची रिक्षा अडवली. तसेच, त्यांना धक्काबुक्की करत धमकावून त्यांच्याकडील ६० हजार रुपयांचा ऐवज जबरदस्तीने चोरून नेली. तक्रारदारांनी आरडाओरडा केला, पण चोरटे पसार होण्यात यशस्वी झाले. अधिक तपास पोलिस उपनिरीक्षक बाळासाहेब वाकडे हे करत आहेत.
