हप्ता मागणाऱ्या एकाविरुद्ध पोलिसांनी केला गुन्हा दाखल
marathinews24.com
पुणेै – खडकी बाजारात कपडे विक्रेत्याकडे दरमहा पाच हजार रुपये हप्ता मागणाऱ्या एकाविरुद्ध पोलिसांनी गुन्हा दाखल केला.सलमान शेख (वय २८, रा. खडकी) असे गु्न्हा दाखल केलेल्याचे नाव आहे. याबाबत एका कपडे विक्रेत्याने खडकी पोलीस ठाण्यात फिर्याद दिली आहे.
गॅस पुरवठा खंडीत करण्याची भीती दाखवून फसवणूक – सविस्तर बातमी
पोलिसांनी दिलेल्या माहितीनुसार, तक्रारदार कपडे विक्रेता दापोडी परिसरात राहायला आहेत. ते खडकी बाजारातील टिकाराम चौकात राॅयल हाॅटेलसमोर कपडे विक्रीचा व्यवसाय करतात. आरोपी १५मार्च रोजी तेथे आला. कपडे विक्रीसाठी दिलेल्या जागेसाठी दरमहा पाच हजार रुपये हप्ता द्यावा लागले. हप्ता न दिल्यास जागा मोकळी करुन दे, अशी धमकी आरोपीने त्यांना दिली. आरोपीने दिलेल्या धमकीमुळे घाबलेल्या कपडे विक्रेत्याने खडकी पोलीस ठाण्यात धाव घेऊन तक्रार दिली. पोलीस उपनिरीक्षक दिग्विजय चौगले तपास करत आहेत.
