हडपसर पोलीस ठाण्यात गुन्हा दाखल
marathinews24.com
पुणे – एसटी प्रवासात गर्दीचा फायदा घेउन चोरट्यांनी जेष्ठ महिलेच्या पिशवीतून २१ हजारांची रोकड आणि सोन्या-चांदीचे दागिने असा मिळून ६ लाख २६ हजारांचा ऐवज चोरून नेला आहे. ही घटना २८ मार्चला सव्वासात ते रात्री साडेनउच्या वेळेत बारामती ते हडपसर एसटी प्रवासात घडली आहे. याप्रकरणी बारामतीत राहणार्‍या ६३ वर्षीय जेष्ठेने हडपसर पोलीस ठाण्यात फिर्याद दाखल केली आहे. त्यानुसार अज्ञात चोरट्यांविरूद्ध गुन्हा दाखल करण्यात आला आहे.
खराडीत वाहनाच्या धडकेत दुचाकीस्वार तरुणाचा मृत्यू – सविस्तर बातमी
पोलिसांनी दिलेल्या माहितीनुसार, तक्रारदार महिला बारामतीत राहायला असून, २८ मार्चला रात्री सव्वा सातच्या सुमारास एसटीतून हडपसरच्या दिशेने प्रवास करीत होती. त्यावेळी गर्दीचा फायदा घेउन चोरट्यांनी महिलेच्या पिशवीतून २१ हजारांची रोकड आणि ६ लाखांचे सोन्याचे दागिने चोरून नेले. एसटीतून खाली उतरताना महिलेला पिशवीतून ऐवजाची चोरी झाल्याचे लक्षात आले. त्यानंतर त्यांनी हडपसर पोलीस ठाण्यात धाव घेत तक्रार दाखल केली आहे. याप्रकरणी पोलीस उपनिरीक्षक हसन मुलाणी तपास करीत आहेत.
