सिंहगड रस्त्यावरील कोल्हेवाडीत अपघात
marathinews24.com
पुणे – दारू प्याल्यानंतर झालेल्या वादातून एकाला रस्त्यावर ढकलल्याने मोटारीच्या चाकाखाली सापडून तरुणाचा मृत्यू झाल्याची घटनाा सिंहगड रस्त्यावरील कोल्हेवाडीत घडली. याप्रकरणी दुर्घटनेस जबाबदार असल्याप्रकरणी मोटार चालकासह दाेघांविरुद्ध नांदेड सिटी पोलीस ठाण्यात गुन्हा दाखल करण्यात आला.
खराडीत मुलीसोबत वाद, टोळक्याकडून वाहनांची तोडफोड – सविस्तर बातमी
विठ्ठल भाऊराव जाधव (वय ३७, रा. डाॅ. बाबासाहेब आंबेडकरनगर, खडकवासला) असे मृत्युमुखी पडलेल्याचे नाव आहे. याप्रकरणी सिद्धू शामराव धोत्रे (वय ३६,रा. किरकटवाडी, खडकवासला) मोटार चालक गौरव आतिश काळभोर (वय ३२, रा. कदमवाक वस्ती, लोणी काळभोर) यांना अटक करण्यात आली. याबाबत गजानन भाऊराव जाधव (वय ३५, रा. खोपडी बुद्रुक, ता. दारवा, जि. यवतमाळ) याने नांदेड सिटी पोलीस ठाण्यात फिर्याद दिली आहे.
पोलिसांनी दिलेल्या माहितीनुसार, विठ्ठल जाधव आणि आरोपी धोत्रे यांना दारू पिण्याचे व्यसन आहे. दोघे मजुरी करतात. २६ मे रोजी दुपारी सिंहगड रस्त्यावरील कोल्हेवाडीतील देशी दारू गुत्त्यावर दारू प्यायले. दारू प्याल्यानंतर त्यांच्यात वाद झाला. धोत्रेने वादातून जाधवला मारहाण केली आणि त्याला रस्त्यावर ढकलून दिले. जाधव रस्त्यात पडल्यानंतर खडकवासल्याकडे निघालेल्या मोटारीच्या चाकाखाली सापडून जाधव याचा मृत्यू झाला. अपघातास जबाबदार ठरल्या प्रकरणी दोघांविरुद्ध गु्न्हा दाखल करण्यात आला आहे. त्यांना नोटीस बजाविण्यात आली आहे, अशी माहिती पोलीस उपनिरीक्षक गणेश कसबे यांनी दिली. उपनिरीक्षक कसबे तपास करत आहेत.
