चोरट्यांविरूद्ध फुरसुंगी पोलीस ठाण्यात फिर्याद दाखल
marathinews24.com
पुणे – रस्त्याने पायी चाललेल्या महिलेचा पाठलाग करून दुचाकीस्वार दोघा चोरट्यांनी महिलेच्या गळ्यातील ९० हजारांचे सोन्याचे गंठण हिसकावून नेले. ही घटना १ जूनला रात्री आठच्या सुमारास उरळी देवाची परिसरातील धनगरवस्ती रोड परिसरातील सातव इमारतीजवळ घडली आहे. याप्रकरणी उरळी देवाची परिसरात राहणार्या ५३ वर्षीय महिलेने फुरसुंगी पोलीस ठाण्यात फिर्याद दाखल केली आहे. त्यानुसार दोघा दुचाकीस्वार चोरट्यांविरूद्ध गुन्हा दाखल केला आहे.
तडीपाराने काढला कोयता, भीतीने नागरिक सैरावैरा पळाले – सविस्तर बातमी
पोलिसांनी दिलेल्या माहितीनुसार, तक्रारदार महिला १ जूनला रात्री आठच्या सुमारास उरळी देवाची परिसरातील धनगरवस्ती रोड परिसरातील सातव इमारतीजवळून पायी जात होत्या. त्यावेळी दुचाकीवर आलेल्या दोघा चोरट्यांनी त्यांच्या गळ्यातील ९० हजारांचे सोन्याचे गंठण हिसकावून नेले. महिलेने आरडाओरड करेपर्यंत चोरटे दुचाकीवर सुसाटपणे पसार झाले. याप्रकरणी आजूबाजूचे सीसीटीव्ही फुटेज तपासून आरोपींच्या दुचाकी क्रमांकावरून शोध घेतला जात असल्याची माहिती पोलिसांनी दिली आहे. पोलीस उपनिरीक्षक महेश नलावडे तपास करीत आहेत.
