फ्लॅटचे कुलूप तोडून ८ लाखांचा ऐवज लांबविला
marathinews24.com
पुणे – शहरातील नवी पेठेतील लोकमान्यनगर, तसेच वाघोली भागात फ्लॅटचे कुलूप तोडून चोरट्यांनी ८ लाख रुपयांचाा ऐवज लांबविल्याचा प्रकार उघडकीस आला. याप्रकरणी चोरट्यांविरुद्ध विश्रामबाग आणि वाघोली पोलीस ठाण्यात गुन्हा दाखल करण्यात आला.
नवी पेठेतील लोकमान्यनगर भागात सोसायटीतील फ्लॅटचे कुलूप तोडून चोरट्यांनी सोन्याचे दागिने आणि रोकड असा दोन लाख रुपयांचा ऐवज लांबविल्याची घटना घडली. याबाबत एकाने विश्रामबाग पोलीस ठाण्यात फिर्याद दिली आहे.
टोळक्याने दोघांना मारहाण करून लुटले – सविस्तर बातमी
पोलिसांनी दिलेल्या माहितीनुसार, तक्रारदार सोमवारी (२ जून) दुपारी फ्लॅट बंद करुन बाहेर गेले होते. चोरट्यांनी कुलूप तोडून कपाटातून ऐवज चोरुन चोरटे पसार झाले. पोलीस उपनिरीक्षक नरवडे तपास करत आहेत.
दुसऱ्या एका घटनेत वाघोलीतील केसनंद भागात फ्लॅटचे कुलूप तोडून चोरट्यांनी ५ लाख ७५ हजार रुपयांचे सोन्याचे दागिने चोरुन नेल्याची घटना घडली. याबाबत एकाने वाघोली पोलीस ठाण्यात फिर्याद दिली आहे. तक्रारदार शनिवारी (३१ मे) फ्लॅट बंद करुन कामानिमित्त बाहेर गेले होते. चोरट्यांनी फ्लॅटचे कुलूप तोडून ऐवज चोरुन नेला. वाघोली पोलिसांकडून तपास करण्यात येत आहे.
