कोंढवा पोलीस ठाण्यात फिर्याद दाखल
marathinews24.com
पुणे – बंद फ्लॅटचे कुलूप कापून चोरट्यांनी पाच हजारांची रोकड आणि सोन्या-चांदीचे दागिने असा तब्बल १० लाख ७५ हजारांचा ऐवज चोरून नेला. त्यासोबतच सोसायटीच्या कार्यालयातील सीसीटीव्ही आणि डीव्हीआरही चोरून नेला आहे. ही घटना ३ ते ४ जून कालावधीत कोंढव्यातील सुखसागरनगर भागात घडली आहे. याप्रकरणी ५९ वर्षीय महिलेने कोंढवा पोलीस ठाण्यात फिर्याद दाखल केली आहे.
पार्किंगच्या वादातून तरूणाला मारहाण – सविस्तर बातमी
पोलिसांनी दिलेल्या माहितीनुसार, तक्रारदार महिला कोंढव्यातील सुखसागरनगरातील कमल रेसीडन्सीत राहायला आहे. ३ ते ४ जूनला त्यांचा फ्लॅट बंद असताना संधी साधली. फ्लॅटचे कुलूप कापून आतमध्ये प्रवेश करीत रोकड आणि सोन्या-चांदीचे दागिने असा १० लाख ७५ हजारांचा ऐवज चोरून नेला. गावाहून आल्यानंतर महिलेला चोरी झाल्याचे दिसून आले. त्यानंतर त्यांनी तातडीने कोंढवा पोलीस ठाण्यात धाव घेउन तक्रार दाखल केली. याप्रकरणी सहायक पोलीस निरीक्षक सचिन थोरात तपास करीत आहेत.
