पिस्तूल बाळगणाऱ्या तरुणाला पर्वती पोलिसांनी केली अटक
marathinews24.com
पुणे – दहशत माजविण्यासाठी पिस्तूल बाळगणाऱ्या तरुणाला पर्वती पोलिसांनी अटक केली. त्याच्याकडून देशी बनावटीचे पिस्तूल आणि काडतूस जप्त करण्यात आले. शुभम दिलीप पवार (वय १९, रा. अरण्येश्वर, सहकारनगर) असे अटक करण्यात आलेल्याचे नाव आहे. २१ ऑगस्ट रोजी पर्वती पोलिसांकडून गस्त घालण्यात येत होती. त्या वेळी पवारकडे पिस्तूल असल्याची माहिती पोलीस कर्मचारी महेश मंडलिक यांना मिळाली.
पुण्यात सायबर चोरट्यांकडून ६७ लाखांची फसवणूक – सविस्तर बातमी
पोलिसांनी सापळा लावून पवारला पकडले. त्याची झडती घेण्यात आली. तेव्हा त्याच्याकडे देशी बनावटीचे पिस्तूल सापडले. पवार याच्याकडून पिस्तुलासह एक काडतूस जप्त करण्यात आले. पवार याने दहशत माजविण्यासाठी पिस्तूल बाळगल्याची माहिती मिळाली आहे. त्याने पिस्तूल कोणाकडून आणले, यादृष्टीने तपास करण्यात येत आहे. पोलीस उपायुक्त संभाजी कदम, सहायक आयुक्त अजय परमार यांच्या मार्गदर्शनाखाली वरिष्ठ पोलीस निरीक्षक नंदकुमार गायकवाड, गुन्हे शाखेच्या निरीक्षक अनिता हिवरकर, उपनिरीक्षक किरण पवार, प्रकाश मरगजे, महेश मंडलिक, सद्दाम शेख, मनोज बनसोड, सूर्या जाधव, श्रीकांत शिंदे, अमोल दबडे यांनी ही कामगिरी केली.
