चोरट्यांविरुद्ध गुन्हा दाखल
marathinews24.com
पुणे – बिबवेवाडी भगात सदनिकेचे कुलूप तोडून चोरट्यांनी कपाटातील १६ लाख रुपयांचे सोन्याचे दागिने, रोकड असा ऐवज लांबविल्याची घटना उघडकीस आली. या प्रकरणी चोरट्यांविरुद्ध गुन्हा दाखल करण्यात आला.याबाबत एका ज्येष्ठ नागरिकाने बिबवेवाडी पोलीस ठाण्यात फिर्याद दिली आहे.
बाह्यवळण मार्गावर बसवर आदळून ट्रक चालकाचा मृत्यू – सविस्तर बातमी
पोलिसांनी दिलेल्या माहितीनुसार, तक्रारदार हे बिबवेवाडीतील महेश सोसायटीत राहायला आहेत. २२ फेब्रुवारी रोजी चोरट्यांनी सदनिकेचे कुलूप तोडून आत प्रवेश केला. शयनगृहातील कपाट उचकटून सोन्याचे दागिने, तसेच रोकड असा १६ लाख १३ हजार रुपयांचा ऐवज चोरट्यांनी लांबविला. घरफोडीचा प्रकार उघडकीस आल्यानंतर त्यांनी पोलिसांकडे तक्रार दिली. पोलीस उपनिरीक्षक भुवड तपास करत आहेत.
