२१ लाख ४० हजारांचा ऐवज जप्त
marathinews24.com
पुणे – चोरीच्या मोटारीतून प्रवास करीत घरफोडी करणार्या सराईताला गुन्हे शाखेच्या युनीट सहाने अटक केली. त्याच्याकडून मोटारीसह दागिने असा मिळून २१ लाख ४० हजारांचा ऐवज जप्त करण्यात आला आहे. संबंधित आरोपी मोक्कातील गुन्ह्यात जामिनावर सुटलेला असून, त्याच्याविरूद्ध यापुर्वी येरवडा, चिखली, भोसरी एम.आय.डी.सी. संत तुकारामनगर पोलीस ठाण्यात गुन्हे दाखल आहेत. बिरजू राजपूतसिंग दुधानी ( वय ४० रा. रामटेकडी, वानवडी) असे अटक केलेल्या सराईताचे नाव आहे.
दागिने चोरट्यांना बेड्या, ५ गुन्हे उघडकीस – सविस्तर बातमी
गुन्हे शाखेच्या युनीट सहाचे पथक १२ ऑक्टोबरला पेट्रोलिंग करीत होते. त्यावेळी पोलीस अंमलदार नितीन मुंढे व कानिफनाथ कारखेले यांनी खराडी रोड, वाघोलीतून विनाक्रमांक मोटारीतून प्रवास करणार्या बिरजू दुधाणी याला ताब्यात घेतले. त्याचेकडे तपास केला असता त्याच्याकडे घरफोडीचे गुन्हयांतील वेगवेगळया वर्णनाचे सोन्याचे दागिणे मिळुन आले. आरोपीकडुन चोरीची गाडी व सोन्याचे दागिणे असा २१ लाख ४० हजारांचा ऐवज जप्त केला.
ही कामगिरी अपर पोलीस आयुक्त पंकज देशमुख, उपायुक्त निखिल पिंगळे, एसीपी राजेंद्र मुळीक, पोलीस निरीक्षक वाहीद पठाण, एपीआय राकेश कदम, एपीआय मदन कांबळे, अंमलदार नितीन मुंढे, कानिफनाथ कारखेले, बाळासाहेब सकटे, सारंग दळे, प्रशांत कापुरे, निलेश साळवे, गिरीष नाणेकर, सुहास तांबेकर, सचिन पवार, निर्णय लांडे, नेहा तापकीर, ऋषीकेश ताकवणे, नितिन धाडगे, ऋषीकेश व्यवहारे, शेखर काटे, बाळासाहेब तनपुरे, प्रतिक्षा पानसरे, कीर्ती मांदळे, सोनाली नरवडे यांनी केली.
