चोरट्यांविरुद्ध गुन्हा दाखल
maratinews24.com
पुणे – दुचाकी विक्री दालनाचा दरवाजा उचकटून चोरट्यांनी ५० हजारांची रोकड लांबविल्याची घटना डेक्कन जिमखाना भागातील भांडारकर रस्त्यावर घडली. याबाबत दुचाकी विक्री दालनातील व्यवस्थापकांनी डेक्कन पोलीस ठाण्यात फिर्याद दिली आहे. त्यांनी दिलेल्या फिर्यादीनुसार, चोरट्यांविरुद्ध गुन्हा दाखल करण्यात आला आहे.
आक्षेपार्ह पोस्ट व्हायरल करणाऱ्याविरुद्ध गुन्हा दाखल – सविस्तर बातमी
पोलिसांनी दिलेल्या माहितीनुसार, भांडारकर रस्त्यावर दुचाकी विक्री दालन आहे. रविवारी मध्यरात्री चोरट्यांनी दरवाजा उचकटून आत प्रवेश केला. चोरट्यांनी तिजोरी उचकटून ५० हजारांची रोकड चोरून नेल्याचा प्रकार उघडकीस आला. त्यानंतर या घटनेची माहिती पोलिसांना कळविण्यात आली. या घटनेची माहिती मिळताच पोलिसांनी तेथे भेट दिली. पोलिसांनी दुचाकी विक्री दालनातील सीसीटीव्ही कॅमेऱ्यांनी केलेले चित्रीकरण तपासले असून, पसार झालेल्या चोरट्यांचा माग काढण्यात येत आहे. पोलीस उपनिरीक्षक पवार तपास करत आहेत.
