अज्ञात चोरट्याविरुद्ध गुन्हा दाखल
marathinews24.com
पुणे – शहरातील मांजरी बुद्रुक परिसरात सायंकाळच्या सुमारास पायी चालणाऱ्या ज्येष्ठ महिलेच्या गळ्यातील सोनसाखळी हिसकावून नेल्याची घटना घडली. याप्रकरणी मांजरी पोलिस ठाण्यात अज्ञात चोरट्याविरुद्ध गुन्हा दाखल करण्यात आला आहे.
महिलेला जादा परताव्याचे आमिष पडले ३१ लाखांना – सविस्तर बातमी
याबाबत ५८ वर्षीय महिलेने मांजरी पोलिस ठाण्यात तक्रार दिली आहे. त्या मांजरी बुद्रुक परिसरात वास्तव्यास आहेत. पोलिसांनी दिलेल्या माहितीनुसार, ही घटना चार जानेवारीला सायंकाळी साडेसातच्या सुमारास सोलापूर रस्त्यावरील शेवाळवाडी भाजी मंडईसमोर घडली. तक्रारदार महिला पायी जात असताना एका अज्ञात व्यक्तीने त्यांच्या जवळ येऊन अचानक त्यांच्या गळ्यातील सुमारे ५० हजार रुपये किमतीची सोन्याची साखळी हिसकावून नेली आणि पसार झाला. घटनेनंतर महिलेने तत्काळ पोलिसांकडे धाव घेत तक्रार दिली. परिसरातील सीसीटीव्ही चित्रीकरणाच्या आधारे आरोपीचा शोध सुरू आहे. तपास पोलिस उपनिरीक्षक धनश्री माळवी करीत आहेत.
