महाटीईटी २०२५ पात्र उमेदवारांना १८ मे पासून प्रमाणपत्र वाटप
marathinews24.com
पुणे – महाराष्ट्र शिक्षक पात्रता परीक्षा (महाटीईटी) २०२५ परीक्षेत पात्र उमेदवारांना १८ मे ८ जून २०२६ या कालावधीत प्रमाणपत्राचे वाटप केले जाणार आहे. तरी पात्र उमेदवारांनी आवश्यक त्या मूळ कागदपत्रांसह आपण परीक्षा दिलेल्या जिल्ह्यातील जिल्हा परिषद शिक्षणाधिकारी (प्राथमिक), शिक्षण निरीक्षक मुंबई (प/द/उ) यांच्या कार्यालयाशी स्वतः संपर्क साधून आपले प्रमाणपत्र प्राप्त करुन घ्यावे, असे आवाहन परिषदेच्या आयुक्त अनुराधा ओक यांनी केले आहे.
पुणे जिल्ह्याच्या विकासाला गती; जिल्हा वार्षिक योजनेसाठी १४७२ कोटींची तरतूद – सविस्तर बातमी
महाटीईटी- २०२५ परीक्षेचे आयोजन २३ नोव्हेंबर २०२५ रोजी करण्यात आले होते. या परीक्षेतील पेपर क्र. १ (इ. १ ली ते इ. ५ वी स्तर) व पेपर क्र. २ (इ. ६ वी ते इ. ८ वी स्तर) चा अंतिम निकाल ३ फेब्रुवारी २०२६ रोजी राज्य परीक्षा परिषदेच्या संकेतस्थळावर ऑनलाईन पद्धतीने प्रसिद्ध करण्यात आलेला होता.
महाटीईटी परीक्षेत पात्र उमेदवारांची पात्रता प्रमाणपत्र त्या त्या जिल्ह्याचे शिक्षणाधिकारी (प्राथ) जिल्हा परिषद, शिक्षण निरीक्षक मुंबई (प/द/उ) यांच्या कार्यालयाकडे देण्यात येत आहेत. पात्रता धारक उमेदवारांनी अधिक माहितीसाठी परीक्षा परिषदेच्या http://www.mscepune.in या संकेतस्थळाला भेट द्यावी, असेही कळविण्यात आले आहे.
