संबंधित पोलीस ठाण्यात गुन्हे दाखल
marathinews24.com
पुणे – शहरातील घरफोडीच्या दोन घटनांमध्ये चोरट्यांनी ५ लाख ९८ हजार रुपयांचा ऐवज लंपास केला. या घटना बाणेर आणि चंदननगर पोलीस ठाण्याच्या हद्दीत घडल्या असून, याप्रकरणी संबंधित पोलीस ठाण्यात गुन्हे दाखल करण्यात आले आहेत.
पुण्यात दुचाकीस्वार चोरट्यांचा हैदोस – सविस्तर बातमी
तक्रारदार मनोहर जयवंतराव बर्फे (४९, रा. रामवाडी मेट्रो स्टेशन जवळ) यांनी चंदननगर पोलिस ठाण्यात फिर्याद दिली आहे. त्यानुसार, ८ ते ११ नोव्हेंबर दरम्यान त्यांचे घराचे कुलूप तोडून चोरांनी ४ लाख १३ हजार रुपये किमतीचे सोन्याचे दागिने चोरून नेले. याप्रकरणाचा पुढील तपास सहायक पोलिस निरीक्षक जगदाळे करत आहेत.
दुसऱ्या घटनेत, चोरट्यांनी शंकर रघुनाथ कोलते ( वय ६९, रा. ब्राव्हरीया सोसायटी, बाणेर बालेवाडी रोड) यांच्या घरात चोरी केली. ९ ते १२ नोव्हेंबर कालावधीत कोलते गावी गेलेले असताना चोरांनी त्यांच्या घराच्या दरवाजाचा कडी कोयंडा तोडून कपाटातील १ लाख ८५ हजार रुपयांचे दागिने चोरून नेले. याप्रकरणाचा पुढील तपास सहायक पोलिस निरीक्षक डाबेराव करत आहेत.
