सायबर चोरट्यांविरुद्ध गुन्हा
marathinews24.com
पुणे – ज्येष्ठ महिलेच्या बँक खात्यातून सायबर चोरट्यांनी साडेदहा लाखांची रोकड लांबविल्याची घटना उघडकीस आली. याप्रकरणी सायबर चोरट्यांविरुद्ध नऱ्हे पोलिसांनी गुन्हा दाखल केला आहे. याबाबत एका ज्येष्ठ महिलेने नऱ्हे पोलीस ठाण्यात फिर्याद दिली आहे. तक्रारदार ६६ वर्षीय ज्येष्ठ महिला सेवानिवृत्त आहेत. त्या नऱ्हे भागातील मानाजीनगर येथील एका सोसायटीत राहायला आहेत.
गॅस पुरवठा खंडीत करण्याची भीती दाखवून फसवणूक – सविस्तर बातमी
पोलिसांनी दिलेल्या माहितीनुसार, सायबर चोरट्यांनी त्यांचा मोाबाइल क्रमांकावर संपर्क साधला. महिलेचा मोबाइल क्रमांक बँक खात्याशी जोडण्यात आला आहे. चोरट्यांनी बँक खात्याची गोपनीय माहिती घेतली. त्यानंतर बँक खात्यातून चोरट्यांनी दहा लाख ५५ हजार रुपयांची रोकड लांबविली. चोरट्यांनी मोबाइल हॅक करुन खात्यातून रोकड लांबविल्याचे उघडकीस आले असून, वरिष्ठ पोलीस निरीक्षक आत्माराम शेटे तपास करत आहेत.
