मोटारीतील सर्वजण सुखरुप
marathinews24.com
पुणे – खासदार सुप्रिया सुळे यांच्या मोटारीचा अपघात झाल्याची घटना मुंबई-पुणे द्रुतगती मार्गावर घडली. मोटारीतील सर्वजण सुखरुप असल्याची माहिती सुळे यांनी समाज माध्यमातून दिली आहे.
हवाई दलाच्या तळात बेकायदा प्रवेश करणाऱ्या तरुणाविरुद्ध गुन्हा – सविस्तर बातमी
सुप्रिया सुळे आणि सहकारी हे मोटारीतून द्रुतगती मार्गावरून निघाले होते. द्रुतगती मार्गावर त्यांच्या मोटारीचा अपघात झाला. अपघातात कोणालाही इजा झाली नाही. मोटारीतील सर्वजण सुखरूप असल्याची माहिती सुळे यांनी त्यांच्या समाज माध्यमातील खात्यावरुन दिली आहे. ज्या वाहनाने सुळे यांच्या मोटारीला धडक दिली. त्या वाहनाची वाहन क्रमांकाची पाटीचे छायाचित्र त्यांनी समाज माध्यमात प्रसारित केले आहे.
मोटारीतून २ लाखांची रोकड चोरीला
पुणे- मोटारीत ठेवलेली २ लाखांची रोकड चोरट्यांनी लांबविल्याची घटना पुणे-सोलापूर रस्त्यावरील कुंजीरवाडी परिसरात घडली. याप्रकरणी चोरट्यांविरुद्ध गुन्हा दाखल करण्यात आला. याबाबत एका शेतकऱ्याने लोणी काळभोर पोलीस ठाण्यात फिर्याद दिली आहे.
पोलिसांनी दिलेल्या माहितीनुसार, तक्रारदार हे अडते आहेत. ते लोणी काळभोर भागातील शेतकऱ्यांकडून फुले खरेदी करतात. ही फुले घाऊक बाजराात विक्रीस पाठवितात. कुंजीरवाडी परिसरात त्यांनी मोटार लावली होती. शेतकऱ्यांना पैसे देण्यासाठी त्यांनी दोन लाखांची रोकड मोटारीत ठेवली होती. चोरट्यांनी मोटारीतून दोन लाख रुपयांची रोकड लांबविल्याची घटना शुक्रवारी सकाळी घडली. रोकड चोरीला गेल्याचा प्रकार उघडकीस आल्यानंतर त्यांनी पोलिसांकडे तक्रार दिली. पोलीस हवालदार कुंभार तपास करत आहेत.
