लोणीकंद-भावडी रस्त्यावर घडला अपघात
marathinews24.com
पुणे – भरधाव टेम्पो चालकाने दुचाकीस्वार तरूणाला धडक दिल्यामुळे झालेल्या गंभीर अपघातात २१ वर्षीय तरूणाचा मृत्यू झाला आहे. हा अपघात १७ डिसेंबरला सकाळी नउच्या सुमारास लोणीकंद-भावडी रस्त्यावर घडला आहे. याप्रकरणी टेम्पो चालकाविरूद्ध लोणीकंद पोलीस ठाण्यात गुन्हा दाखल करण्यात आला आहे. करण अर्जुन सुर्यकर (वय २१ रा. भावडी, हवेली ) असे ठार झालेल्या दुचाकीस्वाराचे नाव आहे. याप्रकरणी नागाबाई सुर्यकर (वय ५०) यांनी फिर्याद दाखल केली आहे.
जेजुरी पोलीस ठाण्यातील हवालदारसह दोघांविरुद्ध गु्न्हा – सविस्तर बातमी
पोलिसांनी दिलेल्या माहितीनुसार, करण सुर्यकर हा भावडी परिसरात राहायला होता. १७ डिसेंबरला सकाळी नउच्या सुमारास तो दुचाकीवरून जात होता. त्यावेळी भरधाव वेगात समोरून येउन टेम्पो चालकाने दुचाकीला धडक दिली. त्यामुळे करण गंभीररित्या जखमी झाला होता. उपचारासाठी त्याला रूग्णालयात दाखल केले. मात्र, उपचारापुर्वीच त्याचा मृत्यू झाल्याचे डॉक्टरांनी घोषित केले. याप्रकरणी पोलीस उपनिरीक्षक दिलीप पालवे तपास करीत आहेत.
