गडहिंग्लज एसटी स्थानक ते कात्रज चौकादरम्यान घडली घटना
marathinews24.com
पुणे – एसटी प्रवासात गर्दीचा फायदा घेउन चोरट्यांनी महिलेच्या पिशवीतून तब्बल ८ लाख ५ हजारांचे दागिने चोरून नेले आहेत. ही घटना १२ मे रोजी सकाळी सात ते दुपारी अडीच वाजण्याच्या सुमारास गडहिंग्लज एसटी स्थानक ते कात्रज चौकादरम्यान घडली आहे. याप्रकरणी आंबेगावमध्ये राहणार्या ५४ वर्षीय महिलेने आंबेगाव पोलीस ठाण्यात फिर्याद दाखल केली आहे. त्यानुसार गुन्हा दाखल करण्यात आला आहे.
हडपसर परिसरात तरूणावर केले वार, टोळक्याविरूद्ध गुन्हा – सविस्तर बातमी
पोलिसांनी दिलेल्या माहितीनुसार, तक्रारदार महिला आंबेगाव परिसरात राहयला असून, काही दिवसांपुर्वी गडहिंग्लजला गावी गेल्या होत्या. १२ मे रोजी सकाळी त्या पुन्हा एसटीने प्रवास करीत पुण्यात येत होत्या. प्रवासादरम्यान गर्दीचा फायदा घेउन चोरट्यांनी महिलेच्या पिशवीतून ८ लाखांचे दागिने चोरून नेले. कात्रज चौकात एसटीतून खाली उतरत असताना महिलेला पिशवीत दागिने नसल्याचे दिसून आले. त्यानंतर त्यांनी आंबेगाव पोलीस ठाण्यात धाव घेत तक्रार दाखल केली आहे. याप्रकरणी पोलीस अमलदार मासाळ तपास करीत आहेत.
