दोघे अल्पवयीन ताब्यात
marathinews24.com
पुणे – दारू न पाजल्याच्या रागातून दोघा अल्पवयीनांनी तरूणाला बेदम मारहाण करून त्यांना हत्याराने जखमी केले. ही घटना ११ फेबु्रवारीला रात्री साडेआठ वाजण्याच्या सुमारास दत्तवाडीत घडली आहे. याप्रकरणी पर्वती पोलिसांनी दोघा अल्पवयीनांना ताब्यात घेतले आहे. याप्रकरणी दत्तवाडीत राहणार्या २७ वर्षीय तरूणाने फिर्याद दाखल केली आहे.
पुण्यात पोलीस उपनिरीक्षकाच्या मुलाला बेदम मारहाण – सविस्तर बातमी
पोलिसांनी दिलेल्या माहितीनुसार, तक्रारदार दत्तवाडीत राहायला असून, ११ फेबु्रवारीला त्याने मित्रांना दारू पाजली नाही. त्याच रागातून दोघा अल्पवयीनांनी तरूणाला गाठून शिवीगाळ केली. त्याला बेदम मारहाण करीत शस्त्राने वार करून जखमी केले. त्यानंतर अल्पवयीन पसार झाले होते. याप्रकरणी पर्वती पोलिसांनी तातडीने तपास करीत दोघा अल्पवयीनांना ताब्यात घेतले आहे.पोलीस उपनिरीक्षक इसराईल शेख तपास करीत आहेत.
