चंदननगर पोलीसांकडून तरुणाविरुद्ध गुन्हा
marathinews24.com
पुणे – विवाहाच्या आमिषाने तरुणीवर बलात्कार करण्यात आल्याची घटना उघडकीस आली. याप्रकरणी चंदननगर पोलिसांकडून तरुणाविरुद्ध गुन्हा दाखल करण्यात आला. अरबाज रशीद शेख (वय २७, रा. जयहिंद चौक, साईनाथनगर मूळ रा. कसाई गल्ली, बारामती, जि. पुणे) असे गु्न्हा दाखल केलेल्याचे नाव आहे. याबाबत तरुणीने चंदननगर पाेलीस ठाण्यात फिर्याद दिली आहे.
येरवडा कारागृहात कैद्याला बेदम मारहाण – सविस्तर बातमी
पोलिसांनी दिलेल्या माहितीनुसार, पीडित तरुणी आणि आरोपी शेख याची काही महिन्यांपूर्वी ओळख झाली होती. आरोपीने तिला विवाहाचे आमिष दाखवून जाळ्यात ओढले. तिला एका हाॅटेलमध्ये नेऊन तिच्यावर बलात्कार केला. त्यानंतर मोबाइलवर काढलेली छायाचित्रे पीडित तरुणीची आई आणि भावाला पाठविण्याची धमकी देऊन त्याने तरुणीवर बलात्कार केला. तरुणीने विवाहाबाबत विचारणा केली. तेव्हा त्याने तिला मारहाण करुन शिवीगाळ केली. आरोपीच्या धमकीमुळे घाबरलेल्या तरुणीने नुकतीच पोलिसांकडे तक्रार दिली. पोलीस उपनिरीक्षक मोरे तपास करत आहेत.
