बाणेर पोलीस ठाण्यात आरोपीविरूद्ध गुन्हा दाखल
marathinews24.com
पुणे – पार्टटाईम नोकरी देण्याच्या आमिषाने सायबर चोरट्याने तरूणाला तब्बल १३ लाखांचा ऑनलाईन गंडा घातला आहे. ही घटना २५ ते २६ नोव्हेंबर २०२४ मध्ये बाणेर परिसरात घडली आहे. याप्रकरणी ३० वर्षीय तरूणाने बाणेर पोलीस ठाण्यात फिर्याद दाखल केली आहे. त्यानुसार मोबाइलधारक आणि टेलीग्रामधारक आरोपीविरूद्ध गुन्हा दाखल केला आहे.
भांडणात मध्यस्थी करणार्या तरूणाला बेदम मारहाण – सविस्तर बातमी
पोलिसांनी दिलेल्या माहितीनुसार, तक्रारदार तरूण बाणेर परिसरात राहायला असून, २६ नोव्हेंबरला सायबर चोरट्याने टेलीग्रामद्वारे संपर्क साधला. पार्टटाईम नोकरी देण्याच्या आमिषाने टास्क दिला. त्याद्वारे पैसे गुंतवणूक करण्यास सांगून सायबर चोरट्यांनी तरूणाचा विश्वास संपादित केला. त्यानंतर पार्टटाईम नोकरीच्या आमिषाने आणि जादा नफा मिळणार या आशेने तरूणाने गुंतवणूकीला सुरवात केली. १३ लाख रूपये ऑनलाईनरित्या वर्ग करूनही त्याला नोकरी मिळाली नाही. फसवणूक झाल्याचे लक्षात आल्यानंतर तक्रारदाराने पोलीस ठाण्यात धाव घेतली. याप्रकरणी पोलीस निरीक्षक अलका सरग तपास करीत आहेत.
