पाषाण- बाणेर लिंक रस्त्यावरील नियोजित गृहप्रकल्पाच्या आवारात घडली घटना
marathinews24.com
पुणे – सिमेट मिक्सरच्या चाकाखाली सापडून बांधकाम मजुराचा मृत्यू झाल्याची घटना पाषाण- बाणेर लिंक रस्त्यावरील नियोजित गृहप्रकल्पाच्या आवारात घडली. अनिल उमाशंकर यादव (वय २५, सध्या रा. लव्हिन्स अटायना टाॅवर, लेबर कॅम्प, पाषाण-बाणेर लिंक रस्ता, मूळ रा. उत्तर प्रदेश) असे मृत्युमुखी पडलेल्या बांधकाम मजुराचे नाव आहे. याप्रकरणी सिमेंट मिक्सरचालक दीपककुमार उपेंद्र यादव (वय २२, सध्या रा. एचपी पेट्रोल पंपाजवळ, चांदे, ता. मुळशी) याच्याविरुद्ध गुन्हा दाखल करण्यात आला आहे. महंमद सद्दाम अन्वर (वय २८, रा. एचपी पेट्रोल पंपाजवळ, चांदे, ता. मुळशी) याने बाणेर पोलीस ठाण्यात फिर्याद दिली आहे.
भाजपचे गणेश बिडकर यांना धक्काबुक्कीचा प्रयत्न – सविस्तर बातमी
पोलिसांनी दिलेल्या माहितीनुसार, पाषाण-बाणेर लिंक रस्त्यावर गृहप्रकल्पाचे काम सुरू आहे. ९ जानेवारीला दुपारी पावणेतीनच्या सुमारास सिमेंट मिक्सर गृहप्रकल्पाच्या आवारात आला होता. त्यावेळी बांधकाम मजूर अनिल यादव तेथे काम करत होता. सिमेंट मिक्सर मागे नेत असताना पाठीमागे थांबलेला अनिल चाकाखाली सापडला. अपघातानंतर मिक्सर चालक घटनास्थळी न थांबता पसार झाला. मिक्सर चालकाच्या निष्काळजीपणामुळे दुर्घटना घडली. याप्रकरणी मिक्सर चालकाविरुद्ध गुन्हा दाखल करण्यात आला आहे. सहायक पोलीस निरीक्षक बालाजी सानप तपास करत आहेत.
