चोरट्यांविरुद्ध गुन्हा दाखल
marathinews24.com
पुणे – शहरातील वेगवेगळ्या भागात चोरट्यांनी सदनिकेचे कुलूप तोडून सहा लाखांचा ऐवज लांबविल्याची घटना घडली. मार्केट यार्ड, कात्रजमधील आंबेगाव, तसेच सिंहगड रस्ता परिसरात घरफोडीच्या घटना घडल्या.
सोसायटीच्या आवारात दुचाकी पेटवून दिली – सविस्तर बातमी
मार्केट यार्डातील एका सोसायटीतील सदनिकेचे कुलूप तोडून चोरट्यांनी एक लाख रुपयांचा ऐवज लांबविल्याची घटना घडली. याबाबत एका ज्येष्ठ महिलेने मार्केट यार्ड पोलीस ठाण्यात फिर्याद दिली आहे. त्यांनी दिलेल्या फिर्यादीनुसार, चोरट्यांविरुद्ध गुन्हा दाखल करण्यात आला आहे.
पोलिसांनी दिलेल्या माहितीनुसार, तक्रारदार ज्येष्ठ महिला मार्केट यार्ड भागातील बिबवेवाडी कोंढवा रस्त्यावरील गणात्रा सोसायटीत राहायला आहेत. चोरट्यांनी सदनिकेचे कुलूप तोडून कपाटातील रोकड, दागिने असा एक लाख रुपयांचा ऐवज चोरुन नेल्याची घटना नुकतीच घडली. पोलीस उपनिरीक्षक भापकर तपास करत आहेत.
कात्रजमधील आंबेगाव भागात एका सोसायटीतील सदनिकेचे कुलूप तोडून चोरट्यांनी चार लाख ६२ हजार रुपयांचे सोन्याचे दागिने लांबविल्याची घटना घडली. याबाबत एका तरुणाने आंबेगाव पोलीस ठाण्यात फिर्याद दिली आहे. तक्रारदार तरुण दत्तनगर परिसरातील तोरणा हाईटस सोसायटीत राहायला आहे. चोरट्यांनी शनिवारी (२१ मार्च) सदनिकेचे कुलूप तोडले. शयनगृहातील कपाट उचकटून चोरट्यांनी दागिने लांबविल्याची घटना सायंकाळी उघडकीस आली. पोलीस उपनिरीक्षक कळमकर तपास करत आहेत.
सिंहगड रस्त्यावरील गणेश पार्क सोसायटीत सदनिकेचे कुलूप तोडून चोरट्यांनी ७३ हजार रुपयांचे दागिने लांबविल्याची घटना घडली. याबाबत एकाने सिंहगड रस्ता पोलीस ठाण्यात फिर्याद दिली आहे. पोलीस हवालदार मुकुंद तारु तपास करत आहेत.
