कोंढव्यातील लकी हॉटेलजवळ आणि कौसरबागनजीक घडली घटना
marathinews24.com
पुणे – वाहन पार्किंगच्या वादातून दोन गटात तुंबळ हाणामारी घडली आहे. ही घटना ४ फेबु्रवारीला रात्री नउ ते दहा वाजेदरम्यान कोंढव्यातील लकी हॉटेलजवळ आणि कौसरबागनजीक घडली आहे. याप्रकरणी दोन्ही गटांनी परस्परविरोधी तक्रार दाखल केली असून, त्यानुसार गुन्हा दाखल करण्यात आला आहे.
पुण्याजवळ गावठी दारूभट्टी उध्वस्त, ८ हजार लीटर रसायन केले नष्ट – सविस्तर बातमी
कौसरबाग परिसरातील मोकळ्या जागेत तरूणाचा आरोपींसोबत पार्विंâगमुळे वाद झाला. त्याच वादातून असलम खान आणि त्यासोबत असलेल्या मित्रांनी तरूणाला मारहाण करून वार केला. त्यानंतर जखमी तरूण ससूनमध्ये उपचारासाठी गेला असता, आरोपींनी शेहबाज सुफियान, अरबाज शेख यांनाही गंभीर जखमी केले. याप्रकरणी मोहम्मद जिब्रान जुनेद सय्यद (रा. कौसरबाग, कोंढवा याला) अटक केली आहे. वरिष्ठ पोलीस निरीक्षक कुमार घाडगे तपास करीत आहेत.
हॉटेल लकीजवळ टोळके गोंधळ घातल असल्यामुळे एकाने पोलीस नियंत्रण कक्षाला फोन करून माहिती दिली. त्याचा राग मनामध्ये धरून तरूणाला बेदम मारहाण केली. त्यानंतर तक्रारदाराचे नातलग त्याला घेउन ससूनमध्ये गेले असता, टोळक्याने तरूणाला पुन्हा गेटवर अडवून वार केले. ही घटना ४ फेबु्रवारीला रात्री अकराच्या सुमारास घडली आहे. याप्रकरणी शफाक अशफाक शेख (वय २९ रा. भवानी पेठ), शहबाज झाकीर खान (वय ३१ रा. भवानी पेठ) यांना अटक करण्यात आली आहे. पोलसी निरीक्षक नवनाथ जगताप तपास करीत आहेत.
