चालकाला किरकोळ दुखापत
‘marathinews24.com
पुणे – भरधाव वेगात असलेल्‍या कार चालकाचे नियंत्रण सुटल्याने नाल्यात कोसळून एकजण जखमी झाला आहे. ही घटना गुरूवारी सकाळी साडेनऊ वाजण्याच्‍या सुमारास वानवडी येथील नाल्यात घडला. गंगा सॅटेलाइट सोसायटी व सॅटेलाइट बायोडायव्हर्सिटी पार्कसमोर आज सकाळी साडेनऊच्या सुमारास अपघात घडला. पांढऱ्या रंगाच्‍या कारवरील चालकाचा ताबा सुटल्याने थेट रस्त्यालगतच्या नाल्यात कोसळली. अपघातानंतर परिसरातील नागरिक व वाहनचालकांनी तातडीने घटनास्थळी धाव घेत मदत करत कार चालकाला बाहेर काढले.
अल्पवयीन मुलांकडून मेफेड्रोन जप्त – सविस्तर बातमी
सुदैवाने अपघातात कोणतीही जीवितहानी झाली नाही परंतु, या अपघातात चालकाला किरकोळ मार लागला. कारचा ताबा नेमका कशामुळे सुटला, रस्त्याची अवस्था की यांत्रिक बिघाड होता हे समजु शकले नाही. चालकाची कोणतीही तक्रार नसल्‍याने याबाबत कोणताही गुन्‍हा दाखल करण्यात आला नसल्‍याचे पोलिसांनी सांगितले. सॅटेलाइट बायोडायव्हर्सिटी पार्कसमोरील हा रस्ता वर्दळीचा आहे. यावेळी कारच्‍या मध्ये कोणी न आल्‍याने सुदैवाने कोणीही जखमी झाले नाही.
